ஊர் சனத்திற்கு உதவி செய்யும் ஒன்று
உயிர் கொடுக்கும் தன்மையதும் உண்டு
பேரறிவு படைத்தவரும் உண்டு
பெரும்பாலும் மற்றதெல்லாம் மண்டு
கதிரையினை விட்டு விட்டு எழும்பி
காரியத்திற்கு உதவுவது உண்டு
கதிரை ஒன்று இருப்பதனை மறந்து -வீட்டில்
கட்டிலிலே உருளுவது உண்டு
வால் பிடிக்கும் தன்மையது ஒன்று -வீணே
வம்பளந்து களிப்பதுவும் ஒன்று
கால் பிடித்து மேல் இடத்தில்
கழுத்தறுப்பு செய்வதுவும் உண்டு
பொறுப்பெடுத்து தலை கொடுப்பார் உண்டு
பொறுமையுடன் வேலை செய்வார் - உண்டு
நெருப்பெடுத்து எரிந்து விழும் ஒன்று -சும்மா
நிற்பவரை திட்டுவதும் உண்டு
காரியத்திற்கு உதவும் அதிகாரி - மக்கள்
கண்களிலே என்றும் உள்ளார் கண்டீர்
வாரியங்கள் யாவிலுமே இன்று
வண்மை உள்ளோர் சேருதலே நன்று
சஞ்சீவி யாழ்ப்பாணம்
கருத்துகள் இல்லை:
கருத்துரையிடுக